सुचना तथा प्रशारण विभाग दर्ता नं.: ८५७/०७५/७६

बाढीले बगाउँदा २ को मृ*त्यु, १५–२० बेपत्ता

अविरल बर्षाका कारण लमजुङको दर्दी खोलामा आएको बाढीले बगाउँदा लिवर्टी हाइड्रो पावरमा कार्यरत दुई जना कर्मचारीको मृ*त्यु भएको छ । बाढीले क्षति हाईड्रो पावरमा पनि क्षति पुर्याएको छ ।

जिल्ला प्रहरी कार्यालय लमजुङका डिएसपी रविन्द्र गुरुङले हाइड्रो पावरमा कार्यरत २ जनाको बाढीले बगाएर मृ*त्यु भएको पुष्टि गरेका हुन् । उनीहरुको पहिचान हुन सकेको छैन ।

‘अहिलेसम्म दुई जनाको श*व भेटिएको छ । अरु के–के भयो भन्ने विस्तृत जानकारी प्राप्त भइसकेको छैन,’ डीएसपी गुरुङले भनेका छन–‘म सहित प्रमुख जिल्ला अधिकारी र प्रहरीको टोली घट्नास्थल जाँदैछ । घटनास्थल पुग्न नै समस्या भइरहेको छ ।’

Gulmima Pahiro
सांकेतिक तस्विर

कच्ची बाटो भएकाले घटनास्थलमा पुग्न समस्या भएको प्रहरीले जनाएको छ । घट्नास्थल नजिक भनिएको सुलिभञ्ज्याङ प्रहरी चौकीका प्रहरी सहायक निरीक्षक गोपाल कुमार श्रेष्ठले घटनाबारे सबै विवरण आइनसकेको जनाएका छन् ।

दर्दी खोलाबाट २५ मेघावाट क्षमताको लिवर्टी हाइड्रो पावर निर्माणाधिन छ । यता, लिबर्टी हाइड्रोपावरका सञ्चालक राम पाण्डेका अनुसार बाढीका कारण आयोजनामा कार्यरत १५–२० जना कामदार सम्पर्कविहीन छन् ।

त्यस्तै, हाइड्रोपावरको उपकरणहरुमा ठूलो क्षति पुगेको उनको भनाई छ । सदरमुकाम बेसी शहरबाट २५ किलोमिटर टाढा रहेको हाइड्रोपावरसम्म पुग्न कच्ची बाटो भएकाले सुरक्षाकर्मी र उद्धार टोली पुग्न नसकेको उनको भनाई छ ।

फेसबुकबाट कमेन्ट गर्नुहोस्