सिटी एक्सप्रेसको ‘न यति न उति सिधै लखपती’
सिटी एक्सप्रेस मनी ट्रान्सफरले नेपालीहरुको महान चाड दशैँ, तिहार र छठ्लाई लक्षित गर्दै “लखपति एक्सप्रेस २०७६–न यति न उति सिधै लखपति” उपहार योजनाको घोषणा गरेको छ । सिटीले आफ्ना उपभोक्ताहरुसंग पर्वको खुशी साट्न उपहार योजना ९० दिन सम्म जारी राख्ने भएको छ ।
सिटी एक्सप्रेसको यो उपहार योजना अन्तर्गत लक्की ड्र मार्फत उपभोक्ताहरुले दैनिक १० जनाले रु २०० को मोबाइल टप अप जित्न सक्नेछन् । त्यसैगरी साप्ताहिक रुपमा १ जना विजेताले रु. १०,००० र हरेक महिना लक्की ड्रमा विजयी हुने १ जनालाई रु १,००,००० उपहार स्वरुप प्रदान गरिने छ ।
उपहार योजनाको अन्त्यमा १ जना भाग्यशाली विजेताले बम्पर उपहार रु. १०,००,००० जित्न सक्नेछन् । कम्पनीका अनुसार दैनिक, साप्ताहिक तथा मासिक विजेताहरु समेत बम्पर उपहारका लागि सहभागी हुनेछन् ।
कम्पनीका अनुसार यो “लखपति एक्सप्रेस २०७६ – न यति न उति सिधै लखपति” अफर असोज १ गते देखि मंसिर ३० गते सम्म लागू हुनेछ । यो अवधिभरी सिटी एक्सप्रेस मार्फत पैसा पठाउने सम्पूर्ण सेवाग्राही यो उपहार योजनामा सहभागी हुनेछन् ।
उपहारको विजेता छनौट गर्दा विद्युतीय प्रणालीद्वारा गरिनेछ । सिटी एक्सप्रेसमा कार्यरत कुनै पनि व्यक्ति उपहार योजनामा सहभागी हुन पाउने छैनन् ।
फेसबुकबाट कमेन्ट गर्नुहोस्