जापानमा युवतीले शिशु जन्माई हत्या गरेको शंका

२०७७ माघ १५ गते बिहीबार, प्रकाशित

जापानको तोचिगीकेनमा पर्ने ओयामासीको एउटा सपिङ्ग मलको शौचालयमा शिशुलाई जन्म दिएर हत्या गरेको अभियोगमा जापान प्रहरीले एक युवतीलाई पक्राउ गरेको छ । जापानको उच्च माध्यामिक विद्यालयमा अध्ययनरत ति युवतीले बच्चालाई जन्म दिएपछी हत्या गरेको आशंका गरिएको छ ।

हाइस्कुलमा पढ्दै गरेकी १७ बर्षिया किशोरीले ओयामाको एउटा सपिङ्ग मलमा शिशुलाई जन्म दिएर हत्या गरेको आरोप लागेको छ । घटना भएको शपिङ्ग मलको नाम भने खुलाइएको छैन । घटना डिसेम्बरको १८ तारिख साँझ भएको खुलाइएको छ ।

जानकारीमा आए अनुसार युवतीले सन् २०२० को डिसेम्बर १८ का दिन साँझ सो सपिङ्ग मलको शौचालयमा शिशुको जन्म दिएकी थिईन । सो घटना थाहा पाएपछी उद्दारकर्ताहरुले आमा र शिशु दुबै जनालाई तुरुन्त अस्पताल पुर्याएका थिए । तर अस्पताल पुर्याउने बित्तिकै चिकित्सकले शिशुको मृत्यु भएको घोषणा गरेका थिए ।

मृत शिशुको शरिरमा असामान्य देखिने संकास्पद दाग देखेपछी प्रहरीले अनुसन्धानका लागी युवतीलाई पक्राउ गरेको जापानसमाचारमा प्रकासित समाचारमा उल्लेख गरिएको छ । प्रहरीका अनुसार चिकित्सकको रिपोर्टमा बच्चाको मृत्यु अस्वाभाविक तथा शरिरमा हत्या भएको शंका गर्न मिल्ने दाग देखा परेको उल्लेख गरिएको छ ।