जापानको बालबालिकाको संख्या लगातार घट्दो

२०८० वैशाख २४ गते आइतबार, प्रकाशित

प्रधानमन्त्री फुमिओ किशिदाले जन्मदर बढाउन “अभूतपूर्व” उपायहरू लागू गर्न आह्वान गरेता पनि यस पटक पनि जापानको अनुमानित बाल जनसंख्या थप घटेको देखिएको छ । जापानको बाल जनसंख्या लगातार ४२ औं वर्षमा नयाँ रेकर्ड सहितको न्युन संख्यामा पुगेको सरकारी तथ्याङ्कमा देखिएको छ ।

१४ वर्ष वा सोभन्दा कम उमेरका बालबालिकाहरू (विदेशीहरू सहित)अप्रिल १ मा १ करोड ४३ लाख ५० हजार थिए । यो संख्या अघिल्लो वर्षको तुलनामा लगभग ३ लाख जनाले कम भएको आन्तरिक मामिला मन्त्रालयको तथ्याङ्कले देखाएको छ।

उक्त अबधीमा, जापानको कुल जनसङ्ख्यासँग बालबालिकाको अनुपात ११.५% थियो, जुन अघिल्लो वर्षको तुलनमा ०.२ प्रतिशत बिन्दुले कम हो । र यो संख्या अघिल्लो वर्षभन्दा कम त हो नै त्यससंगै , सन् १९५० यताको सबैभन्दा न्यून सङ्ख्या पनि हो ।

सरकारी तथ्याङ्क अनुसार, गत अक्टोबरसम्म, जापानका ४७ वटै प्रिफेक्चरहरूमा बालबालिकाको जनसंख्यामा कमी आएको थियो।