प्रेम दिवसमा फुड फेस्टिबलमय बन्दै सौराहा

२०७२ माघ ११ गते सोमबार, प्रकाशित

प्रत्येक बर्ष भ्यालेन्टाइन डे (प्रेम दिवस) को अवसर पारेर सौराहामा आयोजना हुँदै आएको सौराहा फुड फेष्टिबल को तयारी तीव्र पारिएको छ ।

फेष्टिवलको तयारी सम्पन्न भइसकेको संयोजक नरेश गिरीले बताए । यस बर्ष फेष्टिबल माघ २८ गते देखि फागुन ३ गतेसम्म चल्नेछ ।

यस पटक फुड फेष्टिबललाई गतबर्ष भन्दा भव्य रुपमा सौराहा ब्राण्डका रुपमा चिनाउन लागेको उनले बताए । यो पटकको फेष्टिवल सौराहास्थित रत्ननगर नगरपालिकाको सार्वजनिक सिसवार खेल मैदानमा हुनेछ ।

५ दिनसम्म हुने फेस्टिवलमा यो पटक थारु जातिको चिचर खाने प्रतियोगितासँगै पर्यटक दौड, वेटर रेस, प्रेमपत्र लेखन लगायतका प्रतियोगिता हुनेछ । साथै फेष्टिबल अवलोकन गर्न आउने उत्कृष्ट एक जोडीलाई सम्मान गर्ने कार्यक्रम छ ।

यो पटकदेखि कैचडी, चुड्का, रत्यौली र गृहणीबीच नृत्य प्रतियोगिता थप गरिएको आयोजक संस्था रेष्टुरेण्ट एण्ड बार एशोसिएसन नेपाल (रेवान सौराहा)का अध्यक्ष लालबहादुर भट्टले जानकारी दिए ।

सिसवार खेल मैदानमा हुने फेष्टिवलमा दैनिक रुपमा २० हजार बढी दर्शकले अबलोकन गर्न लक्ष्य रहेको महासचिव दिपेन्द्र खतिवडाले जानकारी दिए । फेष्टिबलको आर्कष्णको रुपमा दैनिक रुपमा राष्ट्रिय तथा स्थानीयसहित ख्याति प्राप्त कलाकारहरुले संगीतिक प्रस्तुती समेत रहनेछ ।

फेष्टिबलबाट भएको बचतले रेवानले विभिन्न सामाजिक काम गर्ने प्रतिवद्धता जनाएको छ ।

उज्यालो सौराहालाई निरन्तरता दिँदै ३० रुपैयाँ मूल्य तोकिएको फेष्टिवलको टिकटबाट आएको आम्दानीको ५० प्रतिशत कला संस्कृति संरक्षण र बाँकी बाल श्रमिक न्यूनिकरण, सडक बाल बालिका पुर्नस्थापना र खेल मैदान व्यवस्थापनमा लाई क्रमश १०/१० गरि ३० प्रतिशत र २० प्रतिशत स्थानिय क्लबलाई वितरण गरिने अध्यक्ष भट्टले बताए ।

अनलाईनखबरबाट जस्ताको तस्तै  ;