बर्षेनि ४ सय पर्यटक नेपालमै हराउँछन्

२०७३ साउन २ गते आइतबार, प्रकाशित

नेपाल पर्यटकीय हिसाबले एउटा राम्रो गन्तव्य हो । नेपाल आउने पर्यटक नलोभिने कमै होलान । बर्षेनि हजारौँको संख्यामा पर्यटकहरु नेपाल घुम्न आउने गर्छन । तर नेपाल आउने कुल पर्यटकमध्ये बर्षेनि करीव ४ सय पर्यटक हराउने या मृत्यु हुने गरेको तथ्यांकले देखाएको छ ।

पर्यटन मन्त्रालयले सार्बजनिक गरेको पछिल्लो तथ्यांकअनुसार सन् २०१५ मा नेपाल आएका ४ सय २२ जना पर्यटकहरु नेपालमै वेपत्ता भएको या निधन भएको पाईएको छ । यस प्रकारका दुर्घटना सबैभन्दा बढी प्राकृतिक विपत्ति तथा पर्वतारोहणमा हुने गरेको तथ्यांकमा उल्लेख छ ।

सन् २०१५ मा विनाशकारी भूकम्प र सगरमाथामा भएको दुर्घटनामा परी करिब २ सयजना विदेशीले ज्यान गुमाएका थिए । त्यसबाहेक पर्वतारोहण, पदयात्रा र हवाई तथा सडक दुर्घटनाका कारण पनि पर्यटकको निधन तथा वेपत्ता हुने गरेको छ ।

पर्यटन मन्त्रालयको तथ्यांक अनुसार नेपाल आएका कुल पर्यटक मध्ये करीव ६ सय जनाले नेपालीबाट बिभिन्न सास्ती भोग्ने गरेको पाईएको छ । सामान बिकाउन पछि लाग्ने खुद्रा व्यापारी देखि पैसा नदिएसम्म खुट्टा नछाड्ने माग्नेको ब्यवहार नेपाल आएका धेरै पर्यटकले भोग्ने पिडा हुन् ।