‘राई इज किंग’ भन्दै फ्यानले घेरे राजेशलाई
जापान । किराँत राई यायोक्खा टोकाईद्वारा जापानको मुख्य शहर नागोयामा आयोजित ‘फष्ट यलम्बर म्युजिक शो २०१६’ भव्यरुपमा सम्पन्न भएको छ ।
किराँत राई यायोक्खा टोकाई जापानद्वारा पहिलो पटक आयोजना गरिएको ‘म्युजिक शो’ दर्शकहरुको उल्लेख्य सहभागिताको बीच भव्यताका साथ सम्पन्न भएको हो ।
कार्यक्रमको प्रमुख आकर्षण चर्चित गायक राजेशपायल राई, स्टार हाँस्यकलाकार विल्सनविक्रम राई (तक्मेबुढा)ले आफ्ना बेजोड प्रस्तुति पस्किएका थिए । भने कार्यक्रममा नेपाली चलचित्र जगतमा अभियानका सुपरस्टार नायक दायाहांग् राई, नायिका माला लिम्बु, मोडल तथा डान्सर रमा लिम्बुले पनि आफ्ना प्रस्तुति दिएका थिए ।
कार्यक्रमको अन्तिम अन्तिममा राजेशपायल राईको प्रस्तुतिमा दर्शक र फ्यानहरु जोस्सिएर ‘राई इज किंग’ भन्दै स्टेजमा राजेशलाई घेर्न थालेपछी आयोजकलाई स्टेज कावर गर्न हम्मे हम्मे परेको थियो । यधपी आयोजकको रोकथुनको बाबजुद पनि फ्यानहरुले स्टेजमा पुगेर राजेशलाई घेरेका थिए ।
करिब एक हजार क्षमताको हल दर्शकले खचाखच भरिएको थियो । किराँत समुदायको साकिला नाच प्रस्तुत गरेर सुरु गरिएको कार्यक्रममा स्थानिय कालाकारहरूको पनि प्रस्तुति रहेको थियो ।
सिटी एक्सप्रेस रेमिट्यान्सले प्रायोजन गरेको उक्त कार्यक्रमलाइ खर्बा इन्टरनेश्ल लगायतका बिभिन्न कम्पनी र विभिन्न व्यक्ति तथा संघसंस्थाले सहयोग गरेको किराँत राई यायोक्खा टोकाई जापानका सचिव योमन देवानले जानकारी दिए ।
फेसबुकबाट कमेन्ट गर्नुहोस्