गायिका ज्योती मगर ह्याकरको फन्दामा

२०७३ भदौ १ गते बुधबार, प्रकाशित

जानीबुझि या अन्जानवस बिवादमा आईरहने गायिका ज्योती मगर ह्याकरको फन्दामा परेकी छिन् । गायिका मगरको फेसबुक एकाउन्ट ह्याकरले ह्याक गरिदिएको छ । फेसबुक एकाउन्ट ह्याक भएपछी गायिका मगर तनावपुर्ण अवस्थामा रहेकी छिन् ।

ह्याकरले गायिका मगरको एकाउन्ट ह्याक गरी प्रोफाईल पिक्चर र टाईमलाईनमा अश्लिल तश्विर पोस्ट गरीरहेको छ । त्यति मात्र होइन ह्याकरले अरुलाई जथाभावी म्यासेज पठाउने, अनफ्रेन्ड तथा ब्लक समेत गर्न थालेको गायिका मगरले बताएकी छिन ।

ह्याकरले एकाउन्ट ह्याक गरेर तनाव बनाएपछी गायिका मगर समाधान खोज्दै बुधबार दिउँसो टेकुस्थित महानगरीय प्रहरी परिसरमा गएपछी यो कुरा थाहा भएको हो । फ्यान पेज बन्द भएपछि उनले व्यक्तिगत एकाउन्ट चलाउँदै आएकी थिइन् । उनलाई एक लाखभन्दा बढीले फलो गरीरहेका छन् ।

गायिका ज्योति मगरले चाँडोभन्दा चाँडो आफ्नो फेसबुक एकाउन्ट ह्याकरबाट मुक्त होस् र ह्याकर पत्ता लगाएर कारबाही गरीपाउँ भन्दै महानगरीय प्रहरी परीसरमा उजुरी दिएको प्रहरीले बताएको छ ।