चीन हुँदै भारत जान नेपालीलाई भिसा
भारतीय नागरिकलाई जुनसुकै देश भएर नेपाल आउन भिसा चाहिँदैन । तर, नेपालीलाई चीन हुँदै भारत जान भने भिसा अनिवार्य चाहिन्छ । दुई देशबीचका विभिन्न सन्धी समझौता विपरीत भारतले भिसा प्रावधान लागू गर्दै आएको छ ।
यी प्रावधानले चीन हुँदै भारत जानुपर्ने नेपाली मर्कामा पर्दै आएका छन् । चीन हुँदै भारत जाने नेपालीको संंख्या थोरै हुने र त्यस सम्बन्धी अहिलेसम्म खासै गुनासो नआएकाले भारतसंग छलफल नभएको गृह मन्त्रालयका प्रवक्ता यादवप्रसाद कोइरालाले बताउनु भएको छ ।
दुई देश बीचको असमान प्रावधान समस्या भएको र त्यसलाई हटाउनु आवश्यक रहेको अध्यागमन विभागका अधिकारीहरु बताउँछन् । शुक्रबार सम्पन्न गृहसविच स्तरीय बैठकमा आतंकबाद, लागूऔषध, मानव बेचविखन तथा साना हतियार कारोबारको नियन्त्रणका विषयमा छलफल हुने क्रममा यो बिषयमा छलफल भएको बताईएको छ ।
फेसबुकबाट कमेन्ट गर्नुहोस्