बङ्गालीले एसिड हान्दा नेत्रको मलेशियामा मृत्यु

२०७३ असोज १२ गते बुधबार, प्रकाशित

बायाँ मृतक नेत्र महताराको तस्विर तथा दायाँ मलेसियाको जोहर अस्पतालमा रहेको मृतकको पार्थिव शरिर

बङ्गलादेशिको एसिड प्रहारबाट रामेछापका नेत्र महतराको मलेसियामा मृत्यु भएको छ । सुतिरहेका बेला बङ्गालीको एसिड प्रहारबाट घाईते भएका महतराको उपचारका क्रममा जोहर अस्पतालमा मृत्यु भएको हो । रामेछापको धोबी–१ घर भएका महतरा रोजगारीको सिलसिलामा २३ महिना पहिला मलेसिया पुगेका थिए ।

एसिड प्रहारबाट शख्त घाईते भएका महतरालाई संगै सुतेका साथी नहकुल र तुलसी भटराईले उपचारका लागी तत्कालै स्थानिय जोहर अस्पतालमा लगेका थिए । बिहान ३ः५० बजे अस्पताल भर्ना गरिएको केहि समयपछी चिकित्सकले मृत्यु भएको घोषणा गरेका थिए ।

बुझिए अनुसार दुई जना सुतिरहेको बेला एक्कासी नेत्र महताराको मुखमा एसिड प्रहार भएको थियो । असह्य पीडाले कराउन थाले पछी सङ्गै सुतेका साथी विष्णु महतराले थाहा पाएर के भयो भनि समाउँदा उनलाई पनि एसिड लागेको बताईएको छ ।

मृतक महतरालाई बेडबाट तल झार्ने क्रममा एसिड लागेर घाईते भएका विष्णु महतराको हाल जोहर अस्पतालमै उपचार भईरहेको छ । घटनाबारे स्थानिय प्रहरीलाई खबर गरिएको बताईएको छ । प्रारम्भिक जानकारी अनुसार महतरामाथि बंगलादेशि नागरिकले एसिड प्रहार गरेको बुझिएको छ ।