अश्लेषाको जवानी यसरी छचल्कीयो थाईल्याण्डमा

२०७३ चैत ३० गते बुधबार, प्रकाशित

थाइल्याण्ड, बर्मा र नेपालमा खिचिएको चलचित्र ‘प्रेमगीत २’को शिर्ष गित सार्बजनिक भएको छ । ‘कहानी यो प्रेम गीतको’ बोलको शिर्ष गीतमा श्रेया सोताङ र रोहितजोन क्षेत्रीले आवाज दिएका छन् । कल्याण सिंहले संगीत भरेको गीतलाई अमृत महरठ्ठाले लेखेका छन ।

आशुसेन फिल्मले नयाँ बर्षको शुभकामना सहित शिर्ष गीत रिलिज गरेको हो । गीतका कारण सफल भएको चलचित्र प्रेमगीतको सिक्वेल ‘प्रेमगीत २’को गीत कस्तो होला भन्ने प्रतिक्षा धेरैमा थियो । दर्शकको प्रतिक्षाको घडीलाई तोड्दै फिल्म निर्माण टिमले गित सार्बजनिक गरेको छ ।

यो गीतमा चलचित्रका मुख्य कलाकार प्रदिप खड्का र डेब्यू नायिका अश्लेषा ठकुरीलाई फिचरिङ गरिएको छ । गीतको लोकेशन उत्कृष्ट छ । थाइल्याण्डको मनोरम समुन्द्री तट, गुफा, तलैया र नदीलाई आकर्षक फ्रेममा कैद गरिएको छ ।

पुरुषोत्तम प्रधानले छायांकन गरेको गीतमा रेनशा वान्तवा राइको कोरियोग्राफी छ । सन्तोष सेनले निर्माण गरेको चलचित्रलाई रामशरण पाठकले निर्देशन गरेका हुन् । ‘प्रेमगीत २’ आउँदो बर्षको साउन १३ गतेबाट रिलिज हुनेछ ।