व्यक्ति होईन मुद्दामा सहमति गर्न तयार छु: अनुज

२०७४ साउन २२ गते आइतबार, प्रकाशित

गैर आवासीय नेपाली महासंघ जापानका महासचिव तथा आसन्न निर्वाचनमा अध्यक्षका उम्मेद्वार अनुज थापाले अध्यक्ष पदका लागी आफुले छाड्ने गरी सहमतिको सम्भावना नरहेको प्रस्ट पारेका छन ।

एभरेष्टवालसँगको कुराकानिका क्रममा महासचिव थापाले एनआरएनए जापानलाई अगाडी बढाउने सवालमा भने आफुभन्दा उत्तम र सही मुद्दा ल्याएर कोही आए आफुले बसेर छलफल गर्न तयार रहेको बताएका छन । अन्यथा बिना आधार सहमतिको सम्भावना नरहेको उनको भनाई छ ।

गैर आवासीय नेपाली संघ जापानले नेपाल र जापानबासी नेपालीका लागी गर्नुपर्ने महत्वपुर्ण कामहरुको योजना आफुसँग रहेकाले आफु अध्यक्ष पदका लागी सक्षम र उपयुक्त उम्मेद्वार रहेको महासचिव थापाको दावी छ ।

एनआरएनए जापानको नेतृत्वका लागी सही उम्मेद्वार को हो भन्ने जापानबासी नेपालीले बुझेकाले आफुलाई अध्यक्ष पदमा जिताउने पनि थापाको विश्वास छ । व्यक्ति भन्दा एजेण्डा महत्वपुर्ण हुने भन्दै महासचिव थापाले जापानबासी नेपालीको हित र सहयोगका लागी आफु हरतरहले खट्ने बताएका छन ।

विद्यार्थीलाई कामको समस्या, ट्याक्स छुटको पहल लगायतका चासोका बिषयमा आफ्नो मुख्य ध्यान रहने थापाको भनाई छ । एनआरएनए जापानलाई पर्यटन, प्रविधि र व्यापार लगायतका क्षेत्रमा नेपाल र जापानलाई जोड्ने पुलको रुपमा विकास गर्ने आफ्नो योजना रहेको थापाले बताएका छन ।

एनआरएनए जापानका महासचिव तथा अध्यक्ष पदका उम्मेद्वार अनुज थापासँगको पुरा कुराकानिः

https://www.youtube.com/watch?v=8fSni4zlAfA