नागोयाको भलिवल कप स्टुडेन्ट युनियनको पोल्टामा

२०७४ पुष ६ गते बिहीबार, प्रकाशित

परदेशी क्रस कल्चर एसोसिएसन नागोयाको आयोजनामा डिसेम्बर १२ तारिखमा भएको जापान स्तरीय खुल्ला भलिबल प्रतियोगिता भव्यताकासाथ सम्पन्न भएको छ । नागोयाको निसुकु स्थित बिवाजीमामा भएको भलिवल प्रतियोगितामा स्टुडेन्ट युनियनको टिम विजेता भएको क्रस कल्चरका अध्यक्ष मनोज बम मल्लले बताएका छन ।

प्रतियोगितामा आयोजक परदेशि क्रस कल्चर एसोसियसनको टिम उप–विजेता भएको थियो । प्रतियोगिताका सवोच्कृष्ट खेलाडी पनि आयोजक टिम परदेशि क्रस कल्चरकै खेलाडी मदन साउद भएको अध्यक्ष मनोजबम मल्लले बताएका छन ।

प्रतियोगिताका उत्कृष्ट खेलाडी अछाम घर भएका मदन साउद पाचौँ राष्ट्रिय खेलकुद प्रतियोगितामा पिएलए स्पोर्टस क्लवको क्याप्टेनका रुपमा सहभागी भएका थिए । बैंकिङ्ग कार्यकालमा उनले अन्तर बैंकिङ्ग खेलकुद प्रतियोगिताका क्रममा तिन पटक राष्ट्र बैंकको तर्फबाट उत्कृष्ट खेलाडीको सम्मानसमेत पाईसकेका छन ।

प्रतियोगिताको विजेता टिम स्टुडेन्ट युनियनले २ लाख ५० हजार येन नगद पुरस्कारका साथै मेडल र प्रमाणपत्र प्राप्त गरेको छ भने दोस्रो हुने आयोजक टिमले एक लाख ५० हजार येन र मेडल तथा प्रमाणपत्र प्राप्त गरेको छ । भलिवल प्रतियोगिताको पुरस्कार वितरण तथा समापन समारोहमा कलाकार रेश्मी खाँण ठकुरीले नृत्य प्रस्तुत गरेकी थिईन ।