फेब्रुअरी २४ मा ल्होसार मनाउँदै तोचिगीबासी शेर्पा
जापानको तोचिगीबासी शेर्पा समुदायले यस बर्षको ग्याल्पो ल्होसार धुमधामसँग मनाउने भएका छन । तोचिगीबासी शेर्पाहरुले यही फेब्रुअरी २४ तारिखका दिन शुभकामना आदानप्रदान तथा सांस्कृतिक कार्यक्रमको आयोजना गरी ल्होसार मनाउने तयारी गरेका हुन ।
शेर्पा तथा बौद्ध धर्मावलम्वीहरुको महान चाड तथा नयाँ बर्ष स फो खि लो २१४५ (कुकुर बर्ष) को अवसरमा शेर्पा परिवार तोचिगीले सो कार्यक्रमको आयोजना गर्न लागेको हो । ल्होसार बिशेष कार्यक्रम तोचिगीस्थित नुमावादाचोमा रहेको हाम्रो रेष्टुरेन्ट एण्ड बारमा हुँदैछ ।
शेर्पा परिवार तोचिगीका संयोजक डेनी शेर्पाले ल्होसार बिशेष कार्यक्रममा तोचिगीबासी सबै नेपाली दाजुभाई तथा दिदिबहिनिलाई सहभागी भईदिन अपिल गरेका छन । शुभकामना आदानप्रदान तथा सांगितिक कार्यक्रम साँझ ५ बजेबाट सुरु हुने आयोजकले जनाएको छ ।
कार्यक्रममा जापानमा रहेका स्थानीय नेपाली कलाकारहरुले बिभिन्न नेपाली गित संगित र नृत्य प्रस्तुत गर्नेछन । कार्यक्रममा शेर्पा संस्कृति झल्कने नृत्य पनि प्रस्तुत गरिनेछ । साथै शेर्पा परिकारको पनि ब्यवस्था रहेको संयोजक डेनी शेर्पाले जनाएका छन ।
फेसबुकबाट कमेन्ट गर्नुहोस्