लोग्नेले यौन सन्तुष्टि नदिएको भन्दै प्रहरीमा उजुरी

२०७५ माघ २ गते बुधबार, प्रकाशित

घटना झापा विर्तामोडको हो । जब उनले दोश्री श्रीमती भित्र्याए, घरमा कलह सुरु भयो । कारण थियो शारीरिक सम्पर्कको । श्रीमान्ले आफ्नो यौन इच्छा पुरा नगरेको भन्दै कान्छी श्रीमतीले प्रहरी समक्ष उजुरी नै गरिन् ।

सुरुमा त श्रीमान् श्रीमतीबीचको शारीरिक सम्पर्क र त्यसमा पनि श्रीमतीबाटै यस्तो उजुरी आउँदा प्रहरी पनि चकित प¥यो । इलाका प्रहरी कार्यालय बिर्तामोडमा परेको उक्त उजुरीसंग सम्वन्धित नाम ठेगाना भने गोप्य राखिएको छ ।

श्रीमतीले आफूलाई समय नदिएको र श्रीमान्ले शारीरिक सम्पर्कका लागि ध्यान नदिएको भन्दै यो संगै इलाका प्रहरी कार्यालय बिर्तामोडमा चालू आर्थिक वर्षमा तीन वटा उजुरी परेका छन् ।

प्रहरी समक्ष परेका ३ सय २२ वटा मुद्दा मध्ये यि मुद्दा फरक प्रकृतिका रहेको इलाका प्रहरी कार्यालय बिर्तामोडले जनाएको छ । श्रीमानले श्रीमतीलाई यौन सम्बन्धका लागी शारीरिक वा मानसिक यातना दिएका घटना हामीले सुनेका पनि छौं कतिले देखेका पनि छौं । तर, श्रीमानलाई यौन सन्तुष्टी दिन नसकेको घटना विरलै मात्र सुनिन्छ ।

श्रीमानले आफूलाई शारीरिक सम्पर्क नगरेको र गरे पनि आफ्नो इच्छा पूरा नगरेको भन्दै प्रहरी समक्ष उजुरी गर्न आइपुगेकी ति महिला र पुरुषलाई प्रहरीले मिलाउन धेरै कोशिस गर्यो तर प्रहरीको प्रयत्न विफल भयो ।

लामो समयसम्म इलाका प्रहरी कार्यालयको परिसरमा पती पत्नीको सम्वन्धलाई स्थापित गराउन प्रयत्न गरे पनि श्रीमतीले अन्तत मुख खोलिन–‘के बस्नु यस्तासंग चाहेको समयमा शारीरिक सम्पर्क नै गर्दैनन्, गरेपनि इच्छा पूरा नगर्नेसंग किन बस्ने म त सक्दिन ।’

सुरुमा त मिलापत्र गराउन बसेको प्रहरी नै जिल्ल परे । अन्तत श्रीमतीले श्रीमानसंगको शारीरिक सम्पर्कबाट असन्तुष्टि जनाएपछि प्रहरीले उक्त मुद्धा दर्ता गरेको बताइएको छ । इलाका प्रहरी कार्यालय बिर्तामोडमा पत्नीबाट पीडित बनेको भन्दै श्रीमती विरुद्ध पनि उजुरी आउने गरेको प्रहरीले जनाएको छ ।