ओलीको दसैं, सामाजिक सद्भावको शुभकामना

२०७३ असोज २५ गते मंगलबार, प्रकाशित

नेकपा (एमाले) का अध्यक्ष केपी शर्मा ओलीले बडादसैँको उपलक्ष्यमा स्वदेश तथा विदेशमा रहेका समस्त नेपाली दिदीबहिनी तथा दाजुभाइमा शुभकामना व्यक्त गर्नुभएको छ । ओलीले महान पर्व दशैँले समयसीमामा संविधानको प्रभावकारी कार्यान्वयनका लागि सबै राजनीतिक शक्तिमा प्रेरणा मिलोस भनी कामना गर्नुभएको छ ।

शुभकामना सन्देशमा अध्यक्ष ओलीले बहुभाषिक, बहुधार्मिक र बहुसांस्कृतिक नेपाली बीचको सामाजिक सद्भाव र एकताको निरन्तरता र राष्ट्रिय एकताको लागी पनि कामना गर्नुभएको छ । ओलीले स्वदेश तथा विदेशमा रहेका नेपालीलाई सुस्वास्थ्य, उन्नति, प्रगती र सफलताको शुभकामना दिनुभएको छ ।

यसैबीच अध्यक्ष केपी शर्मा ओलीले पिता मोहन प्रसाद ओलीको हातबाट दशैको टीका ग्रहण गर्नुभएको छ । भक्तपुरको बालकोटस्थित आफ्नै निवासमा मंगलबार बिहान ९ः२५ को साईतमा पिता मोहन प्रसादको हातबाट टीका ग्रहण गर्नुभएको हो ।

एमाले अध्यक्ष ओलीले आफुले टीका ग्रहण गरेपछि श्रीमती तथा आफन्तजनलाई टीका लगाइदिनुभएको थियो । परिवार तथा आफन्तलाई टिका लगाईसकेपछी उहाँले पार्टीका कार्यकर्ता तथा सर्वसाधारणलाई टिका लगाईदिनुभएको थियो ।