सकुशल सुतेका केशबहादुरको मलेशियामा मृत्यु

२०७३ कार्तिक ३ गते बुधबार, प्रकाशित

बैदेशिक रोजगारीको शिलशिलामा मलेसियामा कार्यरत पाल्पाका केशबहादुरको सुतेकै अवस्थामा मृत्यु भएको छ । पाल्पा अर्गली गाविस वडा नम्बर ५ घर भई वालाकोनको एक कम्पनीमा कार्यरत २६ बर्षीय केशवहादुर सोमैको सुतेकै अवस्थामा ज्यान गएको हो ।

दिनभरी साथीसँग घुमेका सोमै वेलुका खाना खाई करीव साढे ११ वजे तिर सकुशल सुतेका थिए । बिहान ड्युटी जाने बेला हुँदा सम्म पनि नउठेपछि साथीहरुले उठाउने प्रयास गर्दा उनको मृत्यु भइसकेको बताइएको छ ।

मृतक सोमै रोजगारीको लागि २७ महिना अगाडि मलेसिया गएको बताईएको छ । मृतकको शवलाई पोष्टमार्टमको लागि स्थानीय सेरडाङ अस्पतालमा राखिएको छ । सोमैको श्रीमती एक छोरा र एक छोरी रहेका छन् ।