सिटीबाट पैसा पठाउने महतोलाई काठमाण्डौमा घडेरी

२०७३ पुष २३ गते शनिबार, प्रकाशित

महोत्तरीका सन्दिलिपकुमार महतोले सिटी एक्सप्रेसबाट पैसा पठाउँदा काठमाडौंमा ४ आना घडेरी उपहार स्वरुप जितेका छन् । महतो सिटि एक्सप्रेस मनि ट्रान्सफरको ‘सिटी बजाउनुहोस, काठमाडौंमा घडेरी पाउनुहोस’ उपहार योजना अन्र्तगतको भाग्यशाली बम्पर उपहार विजेता घोषित भएका हुन् ।

सिटि एक्सप्रेस रेमिट्यान्सले दशैं, तिहार र छठको अवसरमा उक्त उपहार योजना लागु गरेको थियो । कम्पनीले विद्युतीय गोलाप्रथा प्रणालीमार्फत बम्पर उपहार योजनाको विजेता छनौट गरेको हो । महोत्तरीको लक्ष्मीनिया–७ का स्थायी बासीन्दा महतोले काठमाण्डौमा ४ आना घडेरी जितेका हुन् ।

सिटि एक्सप्रेसको सोही योजना अन्तर्गत १२ जनाले साप्ताहिक बिजेताको रुपमा ३२ इन्चको एलईडी टेलिभिजन जितिसकेका छन् । सिटी एक्सप्रेस मनी ट्रान्सफरले विजेताको घोषणा सँगै कम्पनीको नयाँ लोगो पनि प्रयोजनमा ल्याएको जानकारी दिएको छ ।