अष्ट्रेलियाको सिड्नीमा नेपाली युवा मृत फेला

२०७३ माघ ७ गते शुक्रबार, प्रकाशित

अष्ट्रेलियाको सिड्नीमा एक नेपाली युवा मृत फेला परेका छन् । मृतक काठमाडौ बाफल घर भएका निरजलाल श्रेष्ठ रहेको बुझिएको छ । सिड्नीको कार्लटनमा बस्दै आएका श्रेष्ठ ३ वर्षअघि विद्यार्थी भिसामा अष्ट्रेलिया पुगेका थिए ।

उनी स्थानीय फेडेरेसन युनिभर्सिटीबाट आइटीमा मास्टर्स डिग्रीको अध्ययन सकेर स्थायी बसोबासको अनुमती लिने प्रक्रियामा रहेका थिए । उनलाई कार्लटनको रेल स्टेसन नजिक हिजो बिहिबार राति मृत फेला पारिएको प्रहरीलाई उद्धृत गर्दै नेपाली दुतावासले जनाएको छ ।

न्यु साउथ वेल्सका वाणिज्यदूत दीपक खड्काले घटनाको विस्तृत विवरण आउन बाँकी रहेको र वाणिज्य दूतावासले आवश्यक कन्सुलर सहयोग र्पुयाइरहेको जानकारी दिएका छन । उनको शवलाई प्रहरीले अनुसन्धानका लागि कोरोनरमा लगेको पनि खड्काले जानकारी दिएका छन ।