मुटु रोगको अन्र्तराष्ट्रिय स्तरको उपचार नेपालमै

२०७४ फागुन १८ गते शुक्रबार, प्रकाशित

प्रधानमन्त्री केपी शर्मा ओलीले महाराजगञ्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरले बनाउन लागेको नयाँ एनेक्स भवनको शिलान्यास गरेका छन । ३० करोड रुपैयाँ लागतमा बन्न लागेको मुटु रोग उपचारको उक्त सेन्टरमा हाइब्रिड अप्रेसन थिएटर सहितको हुने छ र विशिष्ठको समेत मुटु रोगको उपचार हुने छ ।

हाल एक सय बेड क्षमताको उक्त सेन्टरले ४० बेडको नयाँ भवन बनाउन लागेको हो । स्थापनाको ७ वर्षमै मुटु रोग उपचारमा उत्कृष्ट उपचार सेवाका कारण मनमोहनमा बिरामीको चाप बढ्दो छ । साथै हाइब्रिड अप्रेसन थिएटर समेत बनाइने भएको छ ।

हाइब्रिड अप्रेसन थिएटर नयाँ सोच अनुसार निर्माण हुने र जसमा क्याथ प्रोसिड्युर र शल्य चिकित्सा एकैपटक गर्न सकिन्छ । जुन नेपालमै पहिलो हुनेछ । भौतिक संरचना निर्माणको लागि नेपाल सरकारबाट ३० करोड रुपैया विनियोजन गरेको छ ।

भवनको शिलान्यास गर्दै प्रधानमन्त्री केपी शर्मा ओलीले स्वास्थ्य उपचारमा गुणस्तरीय सेवा दिन आग्रह गर्दै मेडिकल कलेज सञ्चालनमा गुणस्तरीयता आवश्यक रहेको बताएका छन ।

भीभीआइपीका लागि सुइट सहितको परिकल्पना गरेर भवन निर्माण गरिने छ । सामान्य मानिसदेखि अति विशिष्ठको समेत उपचार गर्ने योजना सहित नया भवन निर्माण गर्न लागिएको हो ।

नयाँ भवनमा केही प्रविधि र सुविधा थपेर अन्र्तराष्ट्रिय स्तरको उपचार सेवा दिने लक्ष्य लिइएको छ । ८ बर्षअघि पूर्व प्रधानमन्त्री मनमोहन अधिकारीको नाममा मनमोहन कार्डियोथोरासिक भास्कुलर तथा ट्रान्सप्लान्ट सेन्टरको स्थापना भएको थियो । सेन्टरले एक बर्ष भित्रमा विरामीको १३ करोड रुपैयाँ बराबरको निशुल्क उपचार गरेको छ भने ६ करोड नाफा गरेको छ ।