बुहारीसँग यौनसम्पर्क गर्ने युवाको गोली हानि हत्या

२०७५ मंसिर ५ गते बुधबार, प्रकाशित

धनकुटा जिल्लाको डाडाँगाउँ गाविस–१ मा आफ्नी कान्छी बुहारीसँग खुला चौरमा यौन क्रियाकलाप गरेको देखेपछि ससुराले रिस थाम्न नसकेर एक युवकलाई बन्दुक प्रहार गरी हत्या गरिदिएका छन् ।

धनकुटा नगरपालिका–१४ बेलहरा निवासी २६ वर्षीय प्रेम भण्डारीलाई कान्छी बुहारीसँग यौनसम्पर्क गर्दै गरेको अवस्थामा ४८ वर्षीय ससुरा चक्र भनिने खड्कबहादुर गुरुङले फेला पारेपछि गोली हानेर हत्या गरेको प्रहरीले जनाएको छ ।

युवकलाई गोली हानि हत्या गर्ने खड्कबहादुर गुरुङलाई आज बिहान पक्राउ गरिएको छ । गुरुङका कान्छा छोरा वैदेशिक रोजगारीका सिलसिलामा मलेसियामा छन् ।

कान्छी बुहारीलाई ललाई फकाई भण्डारीले पटक पटक यौनसम्पर्क गर्ने गरेको गुरुङले प्रहरी समक्ष बयान दिएका छन् । मृत्यु भएका भण्डारी डाँडागाउँ गाविस क्षेत्रमा ट्याक्टर चलाउँदै आएका थिए ।

गोली हानेर हत्या गरिएका भण्डारीको शव घटनास्थल नजिकै रहेको खोल्सीमा लगेर फालिएको अवस्थामा प्रहरीले फेला पारेको छ । घटनाबारे थप अनुसन्धान भईरहेको धनकुटा प्हरीले जानकारी दिएको छ ।