बधाई छ ! मिस वर्ल्डको ‘फाइनल राउण्ड’मा शृंखला

२०७५ मंसिर १७ गते सोमबार, प्रकाशित

मिस नेपाल श्रृंखला खतिवडाले चीनमा जारी ‘मिस वल्र्ड–२०१८’ को मल्टिमिडिया विधाको अवार्ड आफ्नो पोल्टामा पार्न सफल बनेकी छन् । मिस वल्र्डको आधिकारिक फेसबुक पेजमार्फत यो जानकागरी दिईएको छ ।

जानकारी अनुसार मेक्सिको र केन्याका सुन्दरीलाई पछाडी पार्दै श्रृंखला खतिवडाले ‘मल्टिमिडिया’ विद्यामा उपाधी हात पार्न सफल भएकी हुन् ।

‘मल्टिमिडिया अवार्ड’ पाएसँगै श्रृंखलाले मिस वल्र्ड–२०१८ को फाइनल अन्तिम ३० मा प्रवेश गरेकी छन् । अडियन्सको सहभागीता, प्रभाव र विषयवस्तुको सिर्जनात्मकताको आधारमा यो अवार्ड दिइने गरिन्छ ।

यसका साथै आजकै प्रतिस्पर्धामा ‘टुरिजम भिडियो च्यालेन्ज’ विधामासमेत श्रृंखला उत्कृष्ट ५ मा पुग्न सफल भएकी थिइन् । तर, सो प्रतिस्पर्धामा मिस केन्याले अवार्ड हात परेकी छन् ।