आत्मह*त्या प्रकरणमा पक्राउ परे रवि लामिछाने

२०७६ साउन ३० गते बिहीबार, प्रकाशित

पत्रकार सालिकराम पुडासैनी आत्मह*त्या प्रकरणमा प्रहरीले न्युज २४ टेलिभिजनका प्रस्तोता रवि लामिछाने र युवराज कँडेललाई पक्राउ गरेको छ । उनीहरुलाई न्युज २४ टेलिभिजनको कार्यालयबाट पक्राउ गरिएको प्रहरीले जानकारी दिएको छ ।

सिधा कुरा जनतासँग कार्यक्रमका प्रस्तोता लामिछाने र कँडेललाई पक्राउ गर्नुभन्दा केही घण्टा अघि प्रहरीले कलंकीबाट नर्स अस्मिता कार्कीलाई पनि नियन्त्रणमा लिएको थियो । उनीहरुलाई पत्रकार पुडासैनीलाई आत्मह*त्या गर्न कार्यमा दुरुत्साहन गरेको अभियोगमा अनुसन्धानका लागि नियन्त्रणमा लिएको प्रहरीले जनाएको छ ।

जिल्ला प्रहरी कार्यालय चितवन र काठमाडौं प्रहरी परिसरको टोलीले बिहीबार साँझ उनीहरुलाई पक्राउ गरेको हो । रवि लामिछानेलाई अनुसन्धानका लागि काठमाडौंबाट चितवन लगिँदै छ । चितवन प्रहरीको अनुरोधमा उनलाई पक्राउ गरिएको काठमाण्डौ प्रहरी परिसरले जनाएको छ ।

साउन २० गते दिउँसो ३ः ३० बजे होटलको २०२ नम्बर कोठामा गएका पत्रकार सालिकराम पुडासैनीलाई होटलवालाले राति खाना खान बोलाउँदा चुकुल नखोलेपछि प्रहरी बोलाएर ढोका खोल्दा उनी मृ*त भेटिएका थिए । रवि लामिछानेलाई पक्राउ गर्नुअघि प्रहरीले पुडासैनीको भिडियो प्रहरी प्रधान कार्यालयमा मगाएर परीक्षण गरेको थियो ।

यसैवीच प्रहरीले रवि लामिछानेलाई पक्राउ गर्नुपूर्व विहीबार अपरान्ह एक अस्पतालमा कार्यरत नर्स ओखलढुंगा घर भएकी रुकु भनिने अस्मिता कार्कीलाई कलंकीबाट नियन्त्रणमा लिएको हो । ती नर्सलाई पक्राउ गरिएको नभएर ‘संरक्षण’ गरिएको प्रहरीको भनाइ छ ।

प्रहरीले नियन्त्रणमा लिनुपूर्व अस्मिताले न्युज २४ लाई अन्तरवार्ता दिन लागेकी थिइन् । एक प्रहरी अधिकृतले भनेका छन्–‘अनुसन्धानलाई प्रभाव पार्ने र आफ्नो पक्षमा जनमत सिर्जना गर्ने गरी ती युवतीसँग अन्तरवार्ता लिन खोजेपछि उनलाई संरक्षणमा राखिएको हो ।’

होटलको कोठा रहेको पङ्खामा डोरी लगाइ झु*ण्डिएको अवस्थामा पुडासैनीको श*वलाई प्रहरीले फेला पारको थियो । प्रहरीको मुचुल्का अनुसार मृ*तक पुडाशैनीको एउटा खुट्टाले होटेलमा रहेको बेडमा हल्का टेकिएको थियो । अर्को खुट्टाले भुइँ छोडेको थियो ।

प्रहरीले घटनास्थलमा फेला पारेको मृ*तकको मोबाइलमा रहेको भिडियो बाहिरिएपछि लामिछानेलाई नियन्त्रणमा लिएको हो । मृ*तक पुडासैनीले भिडियोमा आफ्नो आत्मह*त्याको कारण रवि लामिछाने र अन्य दुई जना भएको बताएका थिए । तर संचारकर्मी लामिछानेले भने घटनामा आफ्नो कुनै पनि संलग्नता नभएको र भएको प्रमाणित भएमा हदैसम्मको कारबाहीको माग गर्दै आएका छन् ।

गत वर्ष भदौ १ गतेदेखि लागू भएको कानुनमा आत्मह*त्या गर्न दुरुत्साहन दिने र आत्मह*त्या गर्नुपर्ने परिस्थिति सिर्जना गर्नेलाई पाँच वर्षसम्म कैद र पचास हजार रुपैयाँसम्म जरिवाना हुने व्यवस्थासहितको मुलुकी अपरा*ध संहिता ऐन, २०७४ ले व्यवस्था गरेको छ ।