बाँदर भगाउने बिषयको बैठकमा बाँदर पनि सहभागी

२०७५ मंसिर १८ गते मंगलबार, प्रकाशित

दिक्तेल रुपाकोट मझुवागढी नगरपालिका खोटाङका बाँदरपीडित किसानले आइतबार दिक्तेलस्थित हेलिप्याडमा आयोजना गरेको बाँदर व्यवस्थापन सम्बन्धी भेलामा एक्कासि बाँदरनै उपस्थित भएका छन ।

लामो समयदेखि आफ्नो खेतबारीमा लगाएको अन्नबाली सखाप पारिदिने बाँदरले पछिल्लो समय दिक्तेल बजार लगायत गाउँमै पसेर दुःख दिँदै आएको छ ।

ग्रामिण भेगमा खेतबारीका छेउछाउमा प्रशस्त मात्रामा वनजंगल हुन्छ र यसले गर्दा बनजगंलमा रहेका बाँदरहरूले बालीनालीमा प्रत्यक्ष रूपमा असर पारीरहेका हुन्छन् ।

यस्तो समस्याको एक मात्र समाधानको उपाय भनेको मोलासेसको खेती हो । किनकी यो घाँसमा एक प्रकारको च्याप च्याप लाग्ने पदार्थ हुन्छ । यो राम्रो किसिमको बास्ना आउने घाँस भएतापनि यसबाट आउने च्याप च्याप लाग्ने पदार्थ शरीरमा लाग्ने हुदा बाँदर यो घाँस लगाएको ठाँउमा आउन डराँउछ ।

यस अर्थमा पनि यसको खेतीलाइ बाँदर भगाउने उत्कृष्ट उपायको रूपमा लिने गरेको पाइन्छ । यो घाँसलाइ जुनसुकै किसिमको माटोमा पनि लगाउन तथा खेती गर्न सकिन्छ ।

यसमा १० प्रतिशत सम्म प्रोटिन पाइन्छ । लगाएको ७५ दिनमा नै काट्न सकिने र प्रति हेक्टर २० देखि ३० टन सम्म उत्पादन हुने यो घाँसको बिउ कार्तिक महिनामा पाक्दछ । यस घाँसलाइ विभिन्न सामुदायिक वनहरूले तथा सामुहिक रूपमा ठुलो क्षेत्रमा लगाउदा अझ फाइदा पुग्ने देखिन्छ ।